The 2018 World Cup is fast approaching, with national sides making their final preparations ahead of this summer’s tournament.

We now know the groups after December’s draw. England have been put together with Belgium, Tunisia and Panama in Group G.

Gareth Southgate’s side were not among the top seeds, meaning they featured in pot two during the proceedings.

And with England’s route now mapped out, Southgate will be able to ramp up preparations for the 2018 tournament. 2018 World cup, football News ,Gaming ,Betscore ,Casino …..Sports.vin

സീത പഴം കഴിക്കാം

തലച്ചോറിന്റെ ആരോഗ്യം
തലച്ചോറിന്‍റെ ആരോഗ്യത്തിന് ഏറ്റവും അധികം സഹായിക്കുന്ന ഒന്നാണ് സീതപ്പഴം. അല്‍ഷിമേഴ്സ് പോലുള്ള പ്രശ്നങ്ങള്‍ കൊണ്ട് വലയുന്നവര്‍ സീതപ്പഴം സ്ഥിരമായി കഴിക്കുന്നത് കൊണ്ട് അത് തടയാന്‍ കഴിയുന്നു. മാനസിക സമ്മര്‍ദ്ദം കൊണ്ട് വലയുന്നവര്‍ എന്നും സീതപ്പഴം കഴിക്കുന്നത് നല്ലതാണ്.

ബലമുള്ള പല്ലുകള്‍
പല്ലിന്‍റെ ആരോഗ്യം വര്‍ദ്ധിപ്പിക്കുന്ന കാര്യത്തില്‍ എപ്പോഴും ശ്രദ്ധിക്കേണ്ടത് അത്യാവശ്യമാണ്. അല്ലെങ്കില്‍ അത് പല്ലിന്‍റെ ആരോഗ്യത്തെ വളരെയധികം പ്രതിസന്ധിയില്‍ ആക്കുന്നു. സീതപ്പഴം കഴിക്കുന്നത് പലപ്പോഴും ഇത്തരത്തിലുള്ള പ്രശ്നങ്ങളില്‍ നിന്ന് പല്ലിനെ സംരക്ഷിക്കുന്നു. പല്ലിന്‍റെ ആരോഗ്യത്തിന് സഹായിക്കുന്ന ഒന്നാണ് സീതപ്പഴം. ഇത് മോണരോഗങ്ങളേയും ചെറുക്കുന്നു.

വിളര്‍ച്ചയെ തടയുന്നു
വിളര്‍ച്ച സ്ത്രീകളിലും കുട്ടികളിലുമാണ് ഇന്നത്തെ കാലത്ത് ഏറ്റവും കൂടുതല്‍ കണ്ട് വരുന്നത്. ഇത് പലപ്പോഴും പല വിധത്തിലുള്ള ആരോഗ്യ പ്രശ്നങ്ങളുടെ തുടര്‍ച്ചയാണ്. അതുകൊണ്ട് തന്നെ സീതപ്പഴം ശീലമാക്കുന്നത് ഇത്തരം ആരോഗ്യ പ്രശ്നങ്ങള്‍ക്ക് പരിഹാരം കാണാന്‍ സഹായിക്കുന്നു.

കാഴ്ചശക്തിയെ സഹായിക്കുന്നു
കാഴ്ചസംബന്ധമായ പ്രശ്നങ്ങള്‍ക്ക് പരിഹാരം കാണാന്‍ സഹായിക്കുന്ന ഒന്നാണ് സീതപ്പഴം. കാഴ്ച ശക്തി വര്‍ദ്ധിപ്പിക്കുന്നതിനും കാഴ്ചസംബന്ധമായ പ്രശ്നങ്ങള്‍ക്കു പരിഹാരം കാണാനും ഇത്തരം നേത്രരോഗങ്ങളെ തടയുന്നതിനും വളരെയധികം സഹായിക്കുന്ന ഒന്നാണ് സീതപ്പഴം. അതുകൊണ്ട് തന്നെ സീതപ്പഴം കഴിക്കുന്നത് തുടര്‍ന്നാല്‍ കാഴ്ച സംബന്ധമായ പ്രശ്നങ്ങളേയും നമുക്ക് ഇല്ലാതാക്കാം.

ഹൃദയത്തിന്‍റെ ആരോഗ്യം
ഹൃദയസംബന്ധമായ രോഗങ്ങള്‍ ഇന്നത്തെ കാലത്ത് ഏറ്റവും അധികം മൂര്‍ച്ഛിച്ച്‌ കൊണ്ടിരിക്കുന്ന ഒരു അവസ്ഥയാണ്. അതുകൊണ്ട് തന്നെ ഇത്തരം പ്രതിസന്ധികള്‍ക്ക് പരിഹാരം കാണാന്‍ സഹായിക്കുന്ന ഒന്നാണ് സീതപ്പഴം. ഇത് ഹൃദയാഘാത സാധ്യതയെ ഇല്ലാതാക്കുന്നു. മാത്രമല്ല ആരോഗ്യമുള്ള ഹൃദയത്തിനും സഹായിക്കുന്നു.

കൊളസ്ട്രോള്‍ കുറക്കുന്നു
കൊളസ്ട്രോള്‍ കുറക്കുന്ന കാര്യത്തിലും സീതപ്പഴം തന്നെ മുന്നില്‍.. സീതപ്പഴത്തിലുള്ള നാരുകളും നിയാസിന്‍ എന്ന ആന്‍റി ഓക്സിഡന്‍റും ആണ് ചീത്ത കൊളസ്ട്രോള്‍ കുറച്ച്‌ നല്ല കൊളസ്ട്രോളിന് സഹായിക്കുന്നത്. മാത്രമല്ല ശരീരത്തിന്‍റെ പല ഭാഗങ്ങളിലും അടിഞ്ഞിരിക്കുന്ന കൊഴുപ്പിനെ ഇല്ലാതാക്കുന്നതിനും സീതപ്പഴം സഹായിക്കുന്നു.

വീട്ടിലൊരു മുന്തിരി ചെടി

വീട്ടിലൊരു മുന്തിരി ചെടി നട്ടാലോ ?..
വേനല്‍ക്കാലത്ത് ഒന്നോ രണ്ടോ മുന്തിരിത്തൈകള്‍ നട്ടുവളര്‍ത്തിയാല്‍ മുറ്റത്തോ ടെറസ്സിലോ നിര്‍മിച്ച പന്തലില്‍ കയറ്റിവളര്‍ത്തി ചൂട് ശമിപ്പിക്കാം. ഒപ്പം നവജാത ശിശുക്കള്‍ മുതല്‍ വൃദ്ധജനങ്ങള്‍ക്കുവരെ ആവശ്യത്തിന് പഴവും ലഭ്യമാക്കാം.

ലോകത്ത് 8000-ത്തില്‍പ്പരം മുന്തിരിയിനങ്ങള്‍ കാണപ്പെടുന്നുണ്ടെങ്കിലും ഇന്ത്യയില്‍ അനാബെഷാഹി, ബാംഗ്ലൂര്‍ പര്‍പ്പിള്‍, ബോഖ്‌റി, ഗുലാബി, കാളി സാഹേബി, തോംസണ്‍ സീഡ്‌ലസ് തുടങ്ങിയവയാണ് പ്രധാന കൃഷി. ഇതിനുപുറമെ കേന്ദ്ര കൃഷിമന്ത്രി ശരദ്പവാര്‍ മുന്തിരി കര്‍ഷകര്‍ക്ക് നല്‍കിയ പ്രോത്സാഹനത്തിന് നന്ദിസ്മാരകമായി പേരിട്ട ശരദ്‌സീഡ്‌ലസ് എന്ന 110 ദിവസംകൊണ്ട് പഴുത്ത് പാകമാവുകയും ഹെക്ടറിന് 25 ടണ്‍ വിളവ് ലഭിക്കുന്ന കൂടുതല്‍ മാംസളവും മണവുമുള്ള ഇനവും പ്രചാരത്തിലുണ്ട്.

കേരളത്തില്‍ തോട്ടമടിസ്ഥാനത്തില്‍ പാലക്കാട് മുതലമടയില്‍ മാത്രമായി ഒതുങ്ങിനില്‍ക്കുന്ന മുന്തിരിക്കൃഷി ഇന്ത്യയില്‍ ഹിമാചല്‍പ്രദേശ്, ഉത്തര്‍പ്രദേശ്, ഹരിയാണ, രാജസ്ഥാന്‍, മഹാരാഷ്ട്ര, കര്‍ണാടക, പഞ്ചാബ്, ആന്ധ്ര, തമിഴ്‌നാട് എന്നീ സംസ്ഥാനങ്ങളില്‍ വ്യാപകമായി നടന്നുവരുന്നു.

വീട്ടുമുറ്റത്ത് കൃഷിചെയ്യാന്‍ അനുയോജ്യമായത് ‘ബാംഗ്ലൂര്‍ പര്‍പ്പിള്‍’ എന്ന് സാധാരണ വിപണിയില്‍ കാണുന്ന ഇനമാണ്. തമിഴ്‌നാട്ടില്‍ ഇതിനെ ചാണദ്രാക്ഷയെന്നും അറിയപ്പെടുന്നു. ഇടത്തരം കുലകള്‍, നീലിമ കലര്‍ന്ന കറുപ്പുനിറം, ഉരുണ്ട വിത്തും കട്ടിയുള്ള തൊലിയും മാംസളമായ ഉള്ള് ഒന്നിച്ച് പാകമാകുന്ന സ്വഭാവം ഇതൊക്കെയുണ്ടെങ്കിലും മറ്റിനങ്ങളെക്കാള്‍ മധുരം അല്പം പിറകോട്ടാണ്. പഴത്തിനും ജ്യൂസിനും ഉപയോഗിക്കാം. മിതമായ ചൂടും തണപ്പും അനുഭവപ്പെടുന്ന നമ്മുടെ കാലാവസ്ഥയ്ക്ക് പറ്റിയതാണ്

മുന്തിരി വള്ളി നടുന്ന രീതി
മുന്തിരി എല്ലാകാലത്തും നടാം. നല്ല വെയില്‍കിട്ടുന്ന സ്ഥലം തിരഞ്ഞടുക്കണം.

മണ്ണ് ഏതുമായിക്കൊള്ളട്ടെ രണ്ടരയടി ചതുരുത്തിലും ആഴത്തിലും ടെറസ്സിന് ചേര്‍ന്നോ മുറ്റത്തോ കുഴിയെടുക്കാം. അതില്‍ രണ്ടുഭാഗം മണലുംഒരുഭാഗം ഉണങ്ങിയ ചാണകപ്പൊടിയോ കമ്പോസ്റ്റോ മണ്ണിരവളമോ നിറച്ച് 100 ഗ്രാം കുമ്മായവും ചേർത്ത് അഞ്ച് ദിവസം വെള്ളമൊഴിച്ച് മണ്ണ് കുതിര്‍ക്കണം. ഇതില്‍ വിശ്വസ്തമായ നഴ്‌സറികളില്‍ നിന്നും വാങ്ങുന്ന കരുത്തുറ്റ ഒരടി പൊക്കമുള്ള ഒരു പൊടിപ്പ് മാത്രം നിലനിര്‍ത്തി വേരുകള്‍ക്ക് ക്ഷതമേല്‍ക്കാതെ കുഴിയുടെ മധ്യേ നട്ടതിന് ശേഷം താങ്ങുകമ്പ് നാട്ടണം. മിതമായി ദിവസവും നനയ്ക്കുകയും വേണം.

ടെറസ്സിലാണ് പന്തലൊരുക്കുന്നതെങ്കില്‍ ടെറസ്സില്‍ നിന്ന് ആറടി ഉയരം വരെ വള്ളിവളര്‍ത്തിക്കൊണ്ടുവരണം. മുറ്റത്താണെങ്കില്‍ ബലമുള്ള തൂണുകള്‍ നാട്ടി പന്തലാക്കി പന്തലില്‍ വള്ളിതൊടുമ്പോള്‍ തലപ്പ് നുള്ളിവിടുക. ഇങ്ങനെ നുള്ളി വിടുന്ന തലപ്പുകൾ കൂടുതൽ വള്ളികളായി പന്തലിലേക്ക് കയറും , .പരിചരണത്തിനും കായ് പറിക്കുന്നതിനും വേണ്ടിയാണ് പന്തല്‍ ആറടി ഉയരത്തില്‍ ക്രമീകരിക്കുന്നത്.

പാഷന്‍ ഫ്രൂട്ട് മാങ്കോ പഞ്ച്

പാഷന്‍ ഫ്രൂട്ട് മാങ്കോ പഞ്ച്
പാഷന്‍ ഫ്രൂട്ട് : 2 എണ്ണം,മാങ്ങാ : ഒരെണ്ണം,പഞ്ചസാര : 1/2 കപ്പ്,സോഡാ : 200 ml,വെള്ളം : ഒരു ഗ്ലാസ്,തേന്‍: 3 ടീസ്പൂണ്‍
തയ്യാറാക്കുന്ന വിധം
പാഷന്‍ ഫ്രൂട്ടില്‍ നിന്നും കാമ്പ് എടുക്കുക. ഇത് ഒരു സ്പൂണ്‍ കൊണ്ട് നന്നായി ഉടക്കുക. വെളുത്ത തൊലി ഉള്ളത് നീക്കം ചെയ്യണം. കുരു മാത്രം നീരോട് കൂടി എടുത്തു വയ്ക്കുക.
നന്നായി പഴുത്ത മാങ്ങ മിക്സിയില്‍ ഇട്ടു പഞ്ചസാരയും വെള്ളവും ചേര്‍ത്ത് അടിച്ചു എടുക്കണം. ഇത് എടുത്തു വച്ചിരിക്കുന്ന പാഷന്‍ ഫ്രൂട്ട് ജ്യുസിലേക്ക് ചേര്‍ത്ത് ഇളക്കുക. ഇതിലേക്ക് സോഡാ ചേര്‍ക്കുക.
ഗ്ലാസുകളില്‍ ഒഴിച്ച് മുകളില്‍ ഒരു ടീസ്പൂണ്‍ തേന്‍ ചേര്‍ത്ത് വിളമ്പുക. മധുരം ആവശ്യാനുസരണം കൂട്ടുകയോ കുറയ്ക്കുകയോ ചെയ്യാം

പാഷൻഫ്രൂട്ട് ഒരു ഔഷധവും കൂടിയാണ്. മൈഗ്രേൻ പ്രശ്നത്തിൽ നിന്നും എന്നന്നേക്കുമായി മോചനം ആഗ്രഹിക്കുന്നവർ പാഷൻഫ്രൂട്ട് സ്ഥിരമായി കഴിക്കുക. ആസ്മാരോഗത്തിന്റെ ശമനത്തിന് ഇത് ഉത്തമമാണ്. കൂടാതെ ഇതിൽ അടങ്ങിയിട്ടുള്ള പാസിഫോറിൻ ശരീരവേദന ശമിപ്പിക്കുന്നതിനും ഉന്മേഷം വീണ്ടെടുക്കുന്നതിനും സഹായിക്കുന്നു. ദഹനപ്രക്രിയ ത്വരിതപ്പെടുത്താനും പാഷൻഫ്രൂട്ട് ദിവ്യൗഷധം തന്നെ. ഇത് മറ്റു പഴങ്ങളോടൊപ്പം ചേർത്തും അല്ലാതെയും ജ്യൂസായി കഴിക്കാവുന്നതാണ്.

ചർമ്മ തിളക്കം,എല്ലുകളുടെ ആരോഗ്യം ,നല്ല ലൈംഗികത എന്നിവർക്ക് ഈന്തപഴം

ഈന്തപ്പഴം ശരീരത്തിന്റെ ആരോഗ്യത്തിനും സൌന്ദര്യ സംരക്ഷണത്തിനും ഏറെ ഉതകുന്ന ഒന്നാണ് അത്. ചര്‍മ്മത്തിന് വെളുത്ത നിറം നല്‍കാന്‍ ഇവയ്ക്ക് കഴിയും. മാത്രമല്ല, ലൈംഗിക താല്‍പര്യവും ശേഷിയും വര്‍ദ്ധിപ്പികാനും ശരീരത്തിന്റെ പ്രതിരോധ ശക്തി വര്ദ്ധിപ്പിക്കാനും ഇത് സഹായിക്കും.

പ്രത്യുല്പാദന ശക്തി വര്‍ദ്ധിപ്പിക്കുന്നു ,ഇതില്‍ ധാരാളം ആന്റിയോക്‌സിഡന്റ് അടങ്ങിയിട്ടുണ്ട്. ഈ ജ്യൂസ് കുടിക്കുന്നതുവഴി കാന്‍സര്‍ ബാധിക്കാനുള്ള സാധ്യത കുറയ്ക്കാം. ,
ആന്റിഎയ്ജിങ് പഴം കൂടിയാണിത് . ഇതിലടങ്ങിയിരിക്കുന്ന ആന്റിയോക്‌സിഡന്റ് ശരീരത്തിലെ ഫ്രീ റാഡിക്കല്‌സിനെ ഇല്ലാതാക്കും. ആന്റിഎയ്ജിങ് പ്രശ്‌നം ഇതുമൂലം ഇല്ലാതാക്കാം. .,കാളസ്‌ട്രോള്‍ കുറയ്ക്കാം . ഫൈബര്‍ ധാരാളം അടങ്ങിയതുകൊണ്ടുതന്നെ ഈന്തപ്പഴം ശീലമാക്കിയാല്‍ കൊളസ്‌ട്രോളും കുറഞ്ഞു കിട്ടും.

പല്ലിനും എല്ലിനും ശക്തി നല്‍കുന്ന മിനറല്‌സായ കാത്സ്യം, മെഗ്‌നീഷ്യം, മാംഗനീസ്, അയേണ്‍ , കോപ്പര്‍ എന്നിവ ഇതില്‍ അടങ്ങിയിരിക്കുന്നു.
ചര്‍മ്മത്തിന് തിളക്കം നല്കുകയും, മൃദുലമാക്കുകയും ചെയ്യുന്നു.
ചര്‍മ്മത്തിലെ മാലിന്യം പൂര്‍ണ്ണമായും കളയുന്നു , അതോടൊപ്പം രക്തത്തിലെ വിഷാംശങ്ങള്‍ പൂര്‍ണ്ണമായും നീക്കുന്നു
ധാരാളം വൈറ്റമിന്‌സ് അടങ്ങിയ ഈന്തപ്പഴം നിങ്ങളുടെ മുടിയുടെ ആരോഗ്യം കാക്കും. ഇതിലടങ്ങിയിരിക്കുന്ന വൈറ്റമിന് ബി മുടിക്ക് കരുത്തു നല്‍കും

പനി, ചെന്നിക്കുത്ത്‌, മുറിവ് ഉണങ്ങാൻ എന്നിവയ്ക്ക് മുക്കുറ്റി

കേരളത്തിലെ പാതയോരങ്ങളിലും പറമ്പുകളിലും തണലുള്ള പ്രദേശങ്ങളിൽ മുക്കുറ്റി കാണാവുന്നതാണ്. കവികളും സാഹിത്യകാരും മുക്കുറ്റിയെ കേരളീയ ഗ്രാമീണതയുടെ ബിംബമായി കണക്കാക്കാറുണ്ട്.

തെങ്ങിന്റെ വളരെ ചെറിയ പതിപ്പ് പോലെ തോന്നിക്കുന്ന ഈ സസ്യം ജലം കെട്ടിനിൽക്കാത്ത തണൽ‌പ്രദേശങ്ങളിൽ വളരുന്നു. ഒരു കൊല്ലമാണ് മുക്കുറ്റിയുടെ ആയുസ്സ്. 8 മുതൽ 15 സെ.മീ. വരെ സാധാരണ ഉയരമുള്ള മുക്കുറ്റിയുടെ കാണ്ഡം വൃത്തസ്തംഭമാണ്. കാണ്ഡത്തിന്റെ അഗ്രഭാഗത്തുനിന്നും നാനാഭാഗത്തേക്കും ഇലത്താങ്ങുകൾ ഭൂമിക്ക് സമാന്തരമായി വിരിഞ്ഞു നിൽക്കുന്നു. സംയുക്ത പത്രങ്ങളാണ് മുക്കുറ്റിക്കുള്ളത്. ഇലകളുടെ മുകൾ ഭാഗം കടും പച്ചയും അടിഭാഗം വിളറിയ പച്ചനിറവുമാണ്.

1.മുക്കുറ്റിയുടെ ഇലയരച്ച് മോരില്‍ ചേര്‍ത്ത് കഴിച്ചാല്‍ അതിസാരം മാറും.
2.പനിക്ക് മുക്കുറ്റി സമൂലം അരച്ച് കുടിക്കാം. മുക്കുറ്റി അരച്ച് നെറ്റിയില്‍ പുരട്ടുന്നത് ചെന്നിക്കുത്തിന് നല്ലതാണ്.
3.മുക്കുറ്റി പച്ചവെള്ളത്തില്‍ അരച്ചുപുരട്ടുന്നത് മുറിവുകള്‍ ഉണങ്ങാന്‍ നല്ലതാണ്. മുറിവില്‍ ഇലയരച്ച് വെച്ചുകെട്ടിയാല്‍ മുറിക്ക് വേഗം ഉണക്കം കിട്ടും. അതുകൊണ്ട് ഇതിനെ മുറികൂടി എന്നും അറിയപ്പെടുന്നു.
4.കടന്നല്‍ കുത്തിയാല്‍ മുക്കുറ്റി അരച്ച് വെണ്ണയില്‍ ചേര്‍ത്ത് കുറച്ച് കടന്നല്‍ കുത്തിയഭാഗത്ത് ചുറ്റും പുരട്ടുന്നത് കടന്നലിന്റെ വിഷം പോകുന്നതിന് നല്ലതാണ്.
5.തീപ്പൊള്ളിയാല്‍ മുക്കുറ്റി തൈരിലരച്ച് പുരട്ടുന്നത് നല്ലതാണ്. മുക്കുറ്റി സമൂലമെടുത്ത് തേനില്‍ ചേര്‍ത്ത് കഴിച്ചാല്‍ ചുമ,കഫക്കെട്ട് എന്നിവ മാറും.

ഉണങ്ങിയ അത്തിപ്പഴം കഴിച്ചാൽ എന്തെക്കെയാണ് ഗുണങ്ങൾ

ഉണങ്ങിയ അത്തിപ്പഴം ദിവസവും രണ്ട് വീതം കഴിച്ചാല്‍ അത് എന്തൊക്കെ ആരോഗ്യഗുണങ്ങള്‍ ആണ് നല്‍കുന്നത് എന്ന് നോക്കാം. അത്തിപ്പഴം കുട്ടികള്‍ക്ക് കൊടുത്താല്‍ അത് കുട്ടികളിലുണ്ടാവുന്ന തളര്‍ച്ച മാറ്റുന്നു. മാത്രമല്ല രോഗപ്രതിരോധ ശേഷി വര്‍ദ്ധിപ്പിക്കുകയും ചെയ്യുന്നു. പല വിധത്തിലുള്ള ആരോഗ്യ പ്രശ്‌നങ്ങള്‍ക്ക് നമുക്ക് പരിഹാരം കാണാന്‍ അത്തി ഉപയോഗിക്കാം.

ദഹന പ്രശ്‌നങ്ങള്‍
ദഹന പ്രശ്‌നങ്ങള്‍ ഇല്ലാതാക്കാന്‍ ഏറ്റവും അധികം സഹായിക്കുന്ന ഒന്നാണ് അത്തി. ദിവസവും മൂന്ന് ഉണങ്ങിയ അത്തിപ്പഴം കഴിച്ചാല്‍ അത് ദഹനസംബന്ധമായ എല്ലാ പ്രശ്‌നത്തിനും പരിഹാരം കാണാന്‍ സഹായിക്കുന്നു. മാത്രമല്ല മലബന്ധം പോലുള്ള പ്രശ്‌നങ്ങള്‍ക്കും പരിഹാരം കാണാന്‍ അത്തിപ്പഴം കഴിക്കുന്നതിലൂടെ സഹായിക്കുന്നു. ഇത് വയറിന്റെ എല്ലാ തരത്തിലുള്ള അസ്വസ്ഥതകള്‍ക്കും പരിഹാരം കാണാന്‍ സഹായിക്കുന്നു.

തടി കുറക്കാന്‍
ശരീരഭാരം കുറക്കാന്‍ സഹായിക്കുന്ന മാര്‍ഗ്ഗങ്ങളില്‍ വളരെ പ്രധാനപ്പെട്ട ഒന്നാണ് അത്തിപ്പഴം. ഇതില്‍ 47 കലോറിയാണ് ഉള്ളത്. തടി കുറക്കണം എന്ന് ആഗ്രഹിക്കുന്നവര്‍ക്ക് ദിവസവും രാവിലെ രണ്ട് അത്തിപ്പഴം കഴിക്കുന്നത് തടി കുറക്കാന്‍ സഹായിക്കുന്നു. മാത്രമല്ല ശരീരത്തിലെ അമിത കൊഴുപ്പിനെ ഇല്ലാതാക്കുന്നതിനും അത്തിപ്പഴം സഹായിക്കുന്നു.

സമ്മര്‍ദ്ദം കുറക്കുന്നു
ഇന്നത്തെ കാലത്ത് പലരിലും സമ്മര്‍ദ്ദം വളരെ കൂടുതലാണ്. ഇത് പല വിധത്തിലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുന്നു. അത്തിപ്പഴത്തില്‍ ഉള്ള സോഡിയവും പൊട്ടാസ്യവും എല്ലാം മാനസിക സമ്മര്‍ദ്ദത്തെ കുറക്കാന്‍ സഹായിക്കുന്നു. ഇത് എല്ലാ വിധത്തിലും ആരോഗ്യത്തിന് സഹായിക്കുന്നു.

ഹൃദയാരോഗ്യത്തിന്
ഹൃദയസംബന്ധമായ പ്രശ്‌നങ്ങള്‍ കൊണ്ട് കഷ്ടപ്പെടുന്നവരുടെ എണ്ണം ഇന്നത്തെ കാലത്ത് വര്‍ദ്ധിച്ച് കൊണ്ടിരിക്കുകയാണ്. എന്നാല്‍ ഇത്തരം പ്രശ്‌നങ്ങള്‍ക്കെല്ലാം പരിഹാരം കാണാന്‍ സഹായിക്കുന്നു. ഹൃദയസംബന്ധമായ എല്ലാ പ്രശ്‌നങ്ങള്‍ക്കും പരിഹാരം കാണാന്‍ എന്നും രാവിലെ ഉണങ്ങിയ അത്തിപ്പഴം കഴിക്കാം. ഇത് എല്ലാ വിധത്തിലും ഹൃദയസംബന്ധമായ പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നു.

പ്രത്യുത്പാദന ശേഷി
പ്രത്യുത്പാദന ശേഷി വര്‍ദ്ധിപ്പിക്കുന്ന കാര്യത്തില്‍ അത്തിപ്പഴം മുന്നിലാണ്. അത്തിപ്പഴം പുരുഷന്‍മാര്‍ സ്ഥിരമായി രാവിലെ രണ്ടെണ്ണം വീതം കഴിക്കാം. ഇത് വന്ധ്യത പോലുള്ള പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നു. സ്ത്രീകള്‍ക്കും പുരുഷന്‍മാര്‍ക്കും ഒരു പോലെ തന്നെ ഉണങ്ങിയ അത്തിപ്പഴം കഴിക്കാവുന്നതാണ്.

ഇന്ത്യയിലെ അറിയപ്പെടാത്ത 5 അത്ഭുതങ്ങള്‍ സ്ഥലങ്ങൾ

നഷ്ടപ്രതാപത്തിന്റെ ശേഷിപ്പുകള്‍ കാണണെമങ്കില്‍ മധ്യപ്രദേശിലെ ഒര്‍ച്ചയിലെത്തിയാല്‍ മതി. ബേട്വാ നദിക്കരയില്‍ കോട്ടയോടു കൂടിയ കൊട്ടാരം പറയുന്നത് എന്നോ നഷ്ടപ്പെട്ട പ്രതാപത്തിന്റെ കണക്കുകളാണ്. ഒര്‍ച്ചയിലെ രാജാവായിരുന്ന രുദ്രപ്രതാപ് സിങാണ് 1501 ല്‍ നഗരം സ്ഥാപിക്കുന്നത്.
ജഹാംഗീര്‍ മഹല്‍, ചതുര്‍ഭുജ് ക്ഷേത്രം, രാം രാജാ ക്ഷേത്രം എന്നിവയാണ് ഇവിടുത്തെ പ്രധാന നിര്‍മ്മിതികള്‍.

മലാന
ഹിമാചല്‍ പ്രദേശിലെ ഒറ്റപ്പെട്ട ഗ്രാമമായ മലാന പ്രകൃതി സൗന്ദര്യത്തിന്റെയും കണ്‍നിറയ്ക്കുന്ന കാഴ്ചകളുടെയും സംഗമഭൂമിയാണ്.കുളു താഴ്‌വരയില്‍ 2652 മീറ്റര്‍ ഉയരത്തില്‍ സ്ഥിതി ചെയ്യുന്ന ഇവിടെ മലാന വിഭാഗക്കാരാണ് താമസിക്കുന്നത്.

ദ്രാസ്
ലഡാക്കിലേക്കുള്ള പ്രവേശന കവാടം എന്നറിയപ്പെടുന്ന ദ്രാസ് ലോകത്തില്‍ മനുഷ്യവാസമുള്ള ഏറ്റവും കൂടുതല്‍ തണുപ്പുള്ള രണ്ടാമത്തെ സ്ഥലമാണ്. ജമ്മു ആന്‍ഡ് കാശ്മീരിലെ കാര്‍ഗില്‍ ജില്ലയിലാണ് ഈ സ്ഥലം. മൈനസ് അറുപത് ഡിഗ്രി വരെ തണുപ്പ് അനുഭവപ്പെടാറുണ്ടെന്നറിയുമ്പോഴാണ് ഇവിടുത്തെ ഭീകരത മനസ്സിലാവുക. തണുപ്പുകാലത്ത് മഞ്ഞിന്റെ ആവരണം നിറഞ്ഞു കിടക്കുന്ന ഇവിടെ മറ്റു സമയങ്ങളില്‍ പച്ചപ്പുംവിവധ നിറങ്ങളില്‍ പൂത്തു നില്‍ക്കുന്ന പൂക്കളും കൊണ്ട് സമ്പന്നമാണ്.

ചാന്ത് ബോലി
ആയിരത്തിലധികം വര്‍ഷം പഴക്കമുള്ള കുളമാണ് രാജസ്ഥാനിലെ ചാന്ത് ബോലി. നൂറടി താഴ്ചയുള്ള ഈ കുളത്തിന് മൂവായിരത്തിയഞ്ഞൂറ് ചവിട്ടുപടികളും 13 നിലകളുമുണ്ട്. ജലസംരക്ഷണത്തിന് ലോകരാജ്യങ്ങള്‍ക്കു മുന്നില്‍ ഇന്ത്യയുടെ അഭിമാനമാണ് സമീപ ഗ്രാമങ്ങള്‍ക്ക് മുഴുവന്‍ വെള്ളം നല്കിയിരുന്ന ഈ കുളം.

മറവാന്തെ ബീച്ച്
കര്‍ണ്ണാടകയിലെ മറവാന്തെ ബീച്ച് ശാന്തമായ ഒരു ടൂറിസ്റ്റ് സ്ഥലമാണ്. എന്‍.എച്ച് 17 നോട് തൊട്ടുകിടക്കുകയാണെങ്കിലും അതിന്റേതായ ബഹളങ്ങളൊന്നും ഇവിടെ എത്തിയിട്ടില്ല.
ഹൈവേയിലൂടെ കടന്ന് പോകുമ്പോള്‍ ഒരു വശത്ത് അറബിക്കടലും മറുവശത്ത് സൗപര്‍ണ്ണിക നദിയും മത്സരിച്ച് ഒഴുകുന്ന കാഴ്ച അതിമനോഹരമാണ്. കടല്‍ ഭക്ഷണം ആസ്വദിക്കാനും കടല്‍ വിനോദങ്ങളില്‍ ഏര്‍പ്പെടാനും പറ്റിയ സ്ഥലമാണിത്.

നഖംകടി ശീലമുള്ളവർ സൂക്ഷിക്കുക

നഖംകടി ആരോഗ്യത്തിന് ഏറെ ദോഷം ചെയ്യുന്നതാണ്. നഖംകടിക്കു പിന്നാലെ വരുന്ന ചില രോഗാവസ്ഥകളെ അറിയാം

അണുബാധ
സാൽമോണല്ല, ഇ–കോളി തുടങ്ങിയ ബാക്ടീരിയകളുടെ വാസസ്ഥലമാണ് നഖം. നഖം കടിക്കുമ്പോൾ ഇവ വായ്ക്കുള്ളിലെത്തുകയും ശരീരത്തിന്റെ വിവിധ ഭാഗങ്ങളിലേക്ക് എത്തുകയും അണുബാധയ്ക്ക് കാരണമാകുകയും ചെയ്യും. കൈവിരലുകളെക്കാൾ രണ്ടിരട്ടി വൃത്തികേടാണ് നഖങ്ങളിൽ. ഇവയുടെ ശുചിത്വം നിലനിർത്താനും ബുദ്ധിമുട്ടാണ്. അതുകൊണ്ടുതന്നെ എളുപ്പത്തിൽ പകർച്ചവ്യാധിക്കു കാരണക്കാരായവരെ കൈമാറ്റം ചെയ്യാനും ഇവയ്ക്കു സാധിക്കുന്നു.

നഖചുറ്റ്
നഖത്തിനു ചുറ്റുമുണ്ടാകുന്ന അണുബാധയായ Paronychia നഖംകടി ശീലമുള്ളവരിൽ കണ്ടുവരുന്നുണ്ട്. നഖം കടിക്കുമ്പോൾ ബാക്ടീരിയ, യീസ്റ്റ്, മറ്റു സൂക്ഷ്മജീവികൾ എന്നിവ ചെറിയ മുറിവുകളിലൂടെയും പൊട്ടലുകളിലൂടെയും കടക്കുന്നു. ഇത് വിരലിൽ നീരുവീക്കം ഉണ്ടാകാനും ചുവക്കുന്നതിനും നഖത്തിനു ചുറ്റും പഴുപ്പു കെട്ടുന്നതിനും നഖചുറ്റിനും കാരണാകുന്നു.

അരിമ്പാറ
സ്ഥിരമായി നഖം കടിക്കുന്നവരിൽ കണ്ടുവരുന്ന മറ്റൊന്നാണ് അരിമ്പാറ പോലുള്ളവ. ഹ്യൂമൻ പാപ്പിലോമ വൈറസാണ് ഇതിനു കാരണമാകുന്നത്. നഖം കടിക്കുമ്പോൾ ഇവ വായ്ക്കുള്ളിലും ചുണ്ടിലുമൊക്കെ വ്യാപിക്കാനുള്ള സാധ്യതയുമുണ്ട്.

ദന്തപ്രശ്നങ്ങൾ
പല്ലിന്റെ താഴത്തെയും മുകളിലത്തെയും നിരകൾ തമ്മിലുള്ള അന്തരത്തിന് നഖംകടി കാരണമാകുന്നു. യഥാസ്ഥാനത്തു നിന്നു പല്ല് മാറിപ്പോകാനും ആകൃതി വ്യത്യാസത്തിനും വളർച്ച എത്തുന്നതിനു മുന്നേ കൊഴിയുന്നതിനും ബലമില്ലാതാകുന്നതിനും നഖംകടി കാരണമാകാം.

ചർമം വരണ്ടതാക്കുന്നു
നഖം കടി ചർമത്തെ വരണ്ടതാക്കുകയും തെറ്റായ രീതിയിൽനഖം ഇളക്കുന്നതിനു കാരണമാകുകയും ചെയ്യും. ഇത്തരം ശീലമുള്ളവർ പല്ലുപയോഗിച്ചായിരിക്കും വളർന്നുവരുന്ന നഖം മുറിക്കുക. ഇതുമൂലം പലപ്പോഴും മുറിവുകൾ ഉണ്ടാകാനുള്ള സാധ്യതയുമുണ്ട്.

ഔഷധ ഗുണങ്ങളുള്ള ഇഞ്ചി-നാരങ്ങ പാനീയം

ഇഞ്ചിയും ചെറുനാരങ്ങയുമെല്ലാം ആരോഗ്യത്തിന് ഏറെ ഗുണകരമാണ്. പലതരം ആരോഗ്യഗുണങ്ങള്‍ ഒത്തിണങ്ങിയവ. പല അസുഖങ്ങളും തടയുന്നവയാണ്.നാരങ്ങയില്‍ ആന്റിഓക്‌സിഡന്റ് ഗുണങ്ങളുണ്ട്. വൈറ്റമിന്‍ സി കൊഴുപ്പു കത്തിച്ചു കളയാനും അപചയ പ്രക്രിയ ശക്തിപ്പെടുത്താനും സഹായിക്കും. ശരീരത്തിലെ ടോക്‌സിനുകള്‍ നീക്കം ചെയ്യാനും രക്തപ്രവാഹം ശക്തിപ്പെടുത്താനുമെല്ലാം ചെറുനാരങ്ങ ഏറെ സഹായകമാണ്. തടിയും വയറും കുറയ്ക്കാന്‍ മാത്രമല്ല, മറ്റു പല ആരോഗ്യഗുണങ്ങളും

ഇതുപോലെ തന്നെയാണ് ഇഞ്ചിയും. ഇഞ്ചി പല ആരോഗ്യഗുണങ്ങളും നല്‍കുന്ന ഒന്നാണ്. ഇഞ്ചി ശരീരത്തില്‍ ചൂടുല്‍പാദിപ്പിയ്ക്കും. ഇതുവഴി അപചയപ്രക്രിയ ശക്തിപ്പെടുത്തും. ഇത് തടിയും കൊഴുപ്പും കത്തിച്ചു കളയാന്‍ ഏറെ നല്ലതാണ്. ദഹനം ശക്തിപ്പെടുത്താനും ഏറെ ഗുണകരമാണ് ഇഞ്ചി. ഇതും തടിയും വയറും കുറയ്ക്കുന്നതിന് സഹായകമാണ്.

ഗ്യാസ് പോലുള്ള പ്രശ്‌നങ്ങള്‍, ദഹനക്കേട് എന്നിവ മാറ്റാന്‍ ഇഞ്ചി ഉപയോഗിക്കാറുണ്ട്. അതുകൊണ്ടുതന്നെ ഒരു ഗ്ലാസ് ഇഞ്ചി പാനീയം കുടിക്കുന്നത് നല്ലതാണ്. ഇത് ഭക്ഷണം സുഗമമായി ദഹിക്കാന്‍ സഹായിക്കും. ഓക്കാനം, ഛര്‍ദ്ദി, തലചുറ്റല്‍ തുടങ്ങിയ രോഗങ്ങള്‍ക്കും ഫലപ്രദമാണ്.

ഔഷധ ഗുണങ്ങളുള്ള ഇഞ്ചി പാനീയം ഓസ്റ്റിയോത്രൈറ്റീസ് പോലുള്ള എല്ല് സംബന്ധമായ രോഗങ്ങളെ ഇല്ലാതാക്കും. ഇത് നല്ല ഊര്‍ജ്ജം നല്‍കുന്ന പാനീയമാണ്. പേശികളെ സാന്ത്വനിപ്പിക്കാനുള്ള ഘടകങ്ങളും ഇതില്‍ അടങ്ങിയിട്ടുണ്ട്.ഹൃദയത്തെ ആരോഗ്യത്തോടെ കാത്തുസൂക്ഷിക്കും. കൊളസ്‌ട്രോള്‍ അളവ് കുറയ്ക്കാനും രക്തം കട്ടപിടിക്കുന്നതും തടയാനും ഈ പാനീയം സഹായകമാണ്. സ്‌ട്രോക്ക് പോലുള്ള രോഗ സാധ്യത കുറയ്ക്കാം.

ശ്വാസകോശപരമായ ബുദ്ധിമുട്ടനുഭവിക്കുന്നവര്‍ക്ക് ഈത് ഗുണം ചെയ്യും. ഔഷധ ഗുണമുള്ള ഈ പാനീയം ആസ്തമ, ശ്വാസനാളരോഗം, ചുമ, ജലദോഷം, പനി എന്നിവയ്‌ക്കൊക്കെ ഫലപ്രദമാണ്.ചര്‍മത്തിന്റെ ആരോഗ്യത്തിനും ഇത് ഏറെ ഉത്തമമാണ്. വൈറ്റമിന്‍ സി ചര്‍മത്തിന് ഏറെ നല്ലതാണ്. ചര്‍മത്തിലുള്ള ടോക്‌സിനുകള്‍ നീക്കം ചെയ്ത് നല്ല ചര്‍മത്തിന് സഹായിക്കുന്നു.

സ്ത്രീകള്‍ ദിവസവും ഇഞ്ചി പാനീയം കുടിക്കുന്നത് നല്ലതാണ്. ആര്‍ത്തവസംബന്ധമായ പ്രശ്‌നങ്ങള്‍ക്ക് പരിഹാരമാകും. വേദനകള്‍ മാറ്റി ആശ്വാസമേകും.ഈ പാനീയത്തിലെ വൈറ്റമിന്‍ സി ശരീരത്തിന് രോഗപ്രതിരോധശേഷി നല്‍കുന്ന ഒന്നാണ്. ഇത് രാവിലെ വെറുംവയററില്‍ കുടിയ്ക്കുന്നത് പല അസുഖങ്ങളും ഒഴിവാക്കാന്‍ സഹായിക്കും.

ഇഞ്ചി പാനീയത്തില്‍ ജിഞ്ചറോല്‍സ് എന്ന ഒരുതരം കെമിക്കല്‍ അടങ്ങിയിട്ടുണ്ട്. ഇത് ക്യാന്‍സര്‍ കോശങ്ങളെ നശിപ്പിക്കും.കൊളസ്‌ട്രോള്‍, പ്രമേഹം എന്നിവ കുറയ്ക്കാന്‍ സഹായിക്കുന്ന നല്ലൊരു പാനീയമാണിത്. ഇത് ദിവസവും കുടിയ്ക്കുന്നത് ഗുണം ചെയ്യും.